Bild på elever som leker på skolgården

Madrašyoṯo xaş d këtlan

I dawle b darǧo d mënţëqa, këtla ẖammëš madrašyoṯo-xaş w tloṯ ste b darǧo d dawle. Hani kmaydi an nacime d kubacce madrašto ǧer mi madrašto-qamayto.

Qëdomo d nacimo l madrašto-xaş, emo w babo ksaymila. Iḏa nacime këtte bayto raẖuqo mi madrašto, kit ëmkan d fayši bi madrašto. Harke bay yawme d kowe baţlone ste, an nacime kuwalle facaliyat hul d taymo i madrašto.

Madrašyoṯo-xaş b darǧo d mënţëqa

Nacime karrin aw nacime d këtte ḏëcfiye bu šmoco, kibën harke ëzzën. Harke u ylofo bë tre lišoneyo, ẖa b išara w u ẖreno ste b mamro w kṯawto swedi.
I madrašto-xaş kobo ëmkan, b kul majal nacimo d yolëf loqe w mëstacmël lišono, yacni kibe mena b išara w mena ste b lišono swedi d mafhëm ruẖe.
Hawxa gab nacimo tre lišone, kmazëd ëmkan di qrayto su nacimo w hani bëṯër kowën cabire bu kanšo.

Madrašyoṯo-xaş b darǧo d dawle

An nacime d koṯën më kul qërniṯo li madrašto, kowën mšakle. Mawxa harke i bcaye du tëwlifo, darbo d mahwo w šqolo cam nacimo, rakëwtoyo cal snëqto nacimo d këtle.

Åsbackaskolan b Örebro, kmaydo nacime, haka mi walade aw haka bëṯër d aṯëlle ḏëcfiye bu šmoco w bu gëšmo. Harke kmiqadamme ylofo. Nacimo, mën snëqto kubacle, hayo kuballe. Kmitahwe yuqro, nacimo d huwele lebo, iboco, šëroko b tëštëcniyo w žǧaliye bë tre lišone.

Hällsboskolan bë Stockholm w b Umeå, kmaydo nacime d këtte zaẖme bi žǧaliye. Harke kmiqadamme ylofo mrakzo b lišono w žǧaliye mšakalto. Haṯe kmiqadmo cal iḏo d ẖalëqto d noše yalife. Kul nacimo ste kuballeyo bu darbo mnasbo d kubacle.

Ekeskolan b Örebro, kmaydo nacime d këtte ḏëcfiye b cayno, i ḏëcfiye d kit aṯaytoyo më ǧer ḏëcfiyat d kit bu gëšmo. Harke kmiqadëm l nacimo ylofo b kul dars w mnasbo l cayno. Hano kmitahwalleyo bë kṯawto d nuqţe acma ste ẖëroko, rmošo w ẖatta b darbo xaş ste an nacime kmëlfënne, hënne d saymi durošo šaryo d këtte.

Madrašyoṯo-xaş d këtlan

Bi madrašto d këtlan, këmqadmina lu nacimo bcaye, haṯe kobo lu nacimo ruẖo d šarake w ţëworo. Kul nafšo b ẖaye d cam-ẖḏoḏe hawxa kiba mšarko. Hawxa hedi an noše kmaẖisi b mëdco d këtte w bëṯër kmiţawri.

Lu ylofo, mede d kit gabayna, latle farqiye mu mede d madrašto-qamayto d këtla. Am mëlfone dë kcëwdi bi madrašto-xaş, bu tëwlifo du nacimo šaţërne. Hani ǧëlbane. Bu tëwlifo grubat ëšmo këtlan. Sabab lawxa, snëqto w šarţ d këtle kul nacimo, hawxa kayis kmëẖzoyo. Gabayna i madrašto ẖşar (10) šneyo. Am madrašyoṯo-xaş kulle, ǧer më Hällsboskolan bë Stockholm, këtte madrase l nacime čučëkin ste.

Publicerat måndag 2 januari 2017 Granskat onsdag 11 januari 2017