Modell av svenska skolsystemet

Ruoŧa oahpahussystema

Ruoŧa oahpahussystema siskkilda bákkolaš ja eaktodáhtolaš skuvlaforpmaid. Skuvla lea ovccijahkásaš ja bákkolaš ohppiide 7 jagi rájis.

Ohppiide geat dárbbahit molssaeavttu vuođđoskuvlii gávdno vuođđosierraskuvla ja spesiálaskuvla. Eaktodáhtolaš skuvlaforpmat leat ovdaskuvla ja ovdaskuvlaluohká nuorat mánáide. Ohppiide 16 jagi rájis gávdno joatkkaskuvla ja sierra lágan rávvásiidoahpahusat.

Eanas Ruoŧa skuvllat leat bákkolaččat, maid gielddat dollet, muhto friddjaskuvllaid lohku maid lassána. Eanas universitehtat ja allaskuvllat leat almmolaš eiseválddit. Universitehtat ja allaskuvllat leat iešmearrideaddjit ja iešráđálaččat.

Stuorit govva Ruoŧa skuvlasystemas

Skuvlaláhka lea vuođđun buot oahpahussii

Ruoŧa skuvlaláhka bidjá vuođu buot oahpahussii, ovdaskuvllas joatkkaskuvlii, sihke rievtti ráves olbmuidoahpahussii. Skuvlaláhka mearrida ahte buot olbmuin galgá leahkit vejolašvuohta oahpahussii beroškeahttá sohkabealis, etnalaš gullevašvuođas, orrunbáikkis dehe sosiála dehe ekonomalaš sivain. Oahppit geain leat váttisvuođat čađahit iežaset skuvlavázzima galget oažžut sierra doarjaga.

Riikkabeaivvit, ráđđehus ja Skuvlaráđđehus vástidit oahppoplánain, mearrádusain, almmolaš ráđiin ja našuvnnalaš ovdánanálgagis vai skuvlalága háhkamat galget duohtandahkkot. Nuppi oasit oahpahussystema stivremis leat našuvnnalaš geahččaleamit, árvvoštallan ja dárkkisteamit.

Vástu našuvnnalaš dásis

Ráđđehus vástida skuvllas našuvnnalaš dásis, mii dáhpáhuvvá bargun skuvlaeiseválddiide sin guđege vástosuorggis:

  • Skuvladárkkisteamis lea skuvlla, rávvásiidoahpahusa, friddjaáiggeruovttu, ovdaskuvlla ja eará pedagogalaš doaimma fuolahanvástu.
  • Skuvlaráđđehus stivre, doarju, čuovvu ja árvvoštallá skuvlaoaivámušaid, ovdaskuvllaid ja skuvllaid barggu dárkkuhussan buoridit kvalitehta ja bohtosiid.
  • Spesiálapedagogalaš skuvlaeiseváldi dievasmahttá gielddaid ja skuvllaid iežas resurssaid. Eiseváldi doarju jearaldagain mat gusket ovttaskasa oahppama, pedagogalaš barggu dehe doaimma ja organisašuvnna. Eiseváldi doallá maid spesiálaskuvllaid dihto doaibmahehttejumiide.
Publicerat måndag 2 januari 2017 Granskat måndag 9 januari 2017