Barn bygger med tidningspapper

Spesiálapedagogalaš doarjja

Oahppanbiras ferte leahkit rabas buot ohppiide. Vai mánát, nuorat ja ráves olbmot, geain lea dárbu doarjagii, galget oažžut vejolašvuođa seamme árvosaš oahpahussii dárbbahuvvo diehtu geavatlašvuođas.

Dat sáhttá ovdamearkka dihte mearkkašit ahte skuvla fállá buot ohppiide vejolašvuođa lohkat, čállit ja rehkenastit iežas eavttuiguin. Ja ahte pedagogain leat ulbmilat mot oahppama ja oahpponeavvuid galgá heivehit. Ja ahte lea máhttu oassálastimis, vuostáváldimis molssaevttolaš bargoneavvuin, fysalaš mieldeorrumis ja vuogas fysalaš aktiviteahtta skuvlaorganisašuvnnas.

Mii leat ovttasbargit

Ovdaskuvllat, skuvllat dehe ráves olbmuid skuvlejumit sáhttet jorgasit min beallái vai ožžot ráđiid spesiálapedagogalaš jearaldagain. Mii veahkehit min dohkálašvuođain bargamiin ovttas gielddaiguin ja friddja ovdaskuvllaiguin ja skuvllaiguin. Dat dáhpáhuvvá min viđa báikkálaš doaimma bakte. Eanas dáhpáhusain dat lea skuvlla vástoolmmoš dehe bargojoavku gii váldá aktavuođa min spesiálapedagogalaš ráđđeaddiin. Sáhttá leat sáhka pedagogalaš strategiijain ja jurddašanvuogis, doaibmahehttejumi dagahan pedagogalaš čuovvumušain dehe dohkálašvuođaovdáneamis. Nuppi dáfus soaitit mii váldit álgaga čoahkkimii ságastallan dihte gieldda ja skuvlla dárbbus guhkesáigásaš spesiálapedagogalaš doarjagii.

Mii fállat maid nuvttá joatkkaskuvlejumi. Dehálaš ulbmiljoavkkut min kurssaide, gáiddusoahpahusaide, konfereanssaide, semináraide ja webbasemináraide leat pedagogat ja skuvlajođiheaddjit. Dat doarjja man mii addit ráđđeaddimiin spesiálapedagogalaš jearaldagain guoská buot skuvlaforpmaid skuvlalága 1. Kap.1. § jelgii.

Sierra doarjja spesiálapedagogalaš dutkamiiguin

Min našuvnnalašresursaguovddážis čađahuvvo spesiálapedagogalaš kártemat ja dutkamat. Dan dahká teama geain leat sierra dohkálašvuođat ovttas ovdaskuvlla ja skuvlla pedagogaiguin ja eará dehálaš olbmuiguin geat leat máná dehe oahppi birra. Resursaguovddáš fállá kurssaid váhnemiidda.

Resursaguovddáš váldá vuostá mánáid dehe ohppiid, geain lea

  • heajos oainnu lassin doaibmahehttejupmi dehe ii
  • váttis hupmanvihki
  • heajos gulu lassin doaibmahehttejupmi ja/dehe autisma
  • riegádeame rájis / árat bealjehis čalmmeheapme
Publicerat måndag 2 januari 2017 Granskat måndag 9 januari 2017