Bild på elever som leker på skolgården

Min spesiálaskuvllat

Stáhtalaš spesiálaskuvllat, vihtta báikkálaš ja golbma našuvnnalaš, váldet vuostá ohppiid geat dárbbahit molssaeavttu dábálaš vuođđoskuvlii.

Dat leat váhnemat geat ohcet jus sin mánát galget vázzit spesiálaskuvlla. Jus oahppi ii oro fievrridan gaskkas lea vejolašvuohta orrumii ja aktiiva friddjaáigái skuvlajagi áigge.

Min báikkálaš spesiálaskuvllat

Oahppit geat leat bealjehemiid dehe sis lea gulluvihki sáhttet vázzit min báikkálaš spesiálaskuvllain. Oahpahus lea guovttegielat ja dáhpáhuvvá oassái ruoŧa seavagillii, oassái sárdnojuvvon dehe čállojuvvon ruoŧagillii.

Spesiálaskuvla fállá giellabirrasa mii addá eavttuid deaivat ja geavtit sihke seavagiela ja ruoŧagiela skuvllas buot aktavuođain. Dán guovttegielatvuođa bakte lassánit oahppi vejolašvuođat boahttevaš oahpuide ja oassálastimii servodagas.

Našuvnnalaš spesiálaskuvllat

Skuvllain mat váldet vuostá ohppiid oppa Ruoŧas leat sierra ulbmiljoavkkut. Oahpahus, biras ja vuohki gaskkustit lea heivehuvvon oahppi dárbbu jelgii.

Åsbackaskuvla Örebros, ohppiide geain lea heajos gullu ja doaibmahehttejupmi ja ohppiide geain riegádeame rájes leat bealjehisčalmmeheamit. Skuvla fállá oahpahusa oahppi eavttuid ja dárbbu jelgii. Mii bidjat stuora deattu oahppi hállui ja doaivagii ovttastallamii, ovttasbargui ja gulaskuddamii guovttegielat birrasis.

Hällsboskuvla Stockholmmas ja Upmijis, ohppiide, geain lea garra giellahehttejupmi. Skuvla fállá oahpahusa deaddun giella ja gaskkusteapmi sierra vugiin. Dat dáhpáhuvvá ulbmiljoavkoheivehuvvon oahppobirrasis mas vuolggan lea ohppiid individuála dárbbut.

Ekeskuvla Örebros, ohppiide geain lea heajos oainnu lassin vel doaibmahehttejupmi. Skuvla fállá oaidnoheivehuvvon oahpahusa skuvlaávdnasiin ja oahpahusa čuokkesčállimis, meahccedádjadeamis ja lihkadeamis, sihke iehčanasvuođas ohppiid indiviida dárbbuid jelgii.

Leahkit oahppin min soames spesiálaskuvllain

Mii fállat ohppiide birrasa mii addá vejolašvuođa oassálastimii ja ovdáneapmái. Buohkat sáhttet oassálastit sosiála ovttasbargui, dovdat gullevašvuođa ja ovdánit oktagassan.

Sisdoallu spesiálaskuvllaid oahpahusas ii leat mearkkašahtti earru vuođđoskuvlla ektui. Dat geat barget spesiálaskuvllain leat čeahpit oahpahusa dahkamis anolažžan skuvlla ulbmiljovkui. Spesiálaskuvllas lea ollu oahpaheaddjit ja unnit oahpahusjoavkkut vai bastet duostut ohppiid sin individuála eavttuid jelgii. Spesiálaskuvla lea logi jagi. Buot spesiálaskuvllat earet Hällsboskuvla Stockholmmas fállet dan lassin ovdaskuvlaluohká.

Publicerat måndag 2 januari 2017 Granskat måndag 9 januari 2017