Min bargu

Spesiálapedagogalaš skuvlaeiseváldi (SPSM) bargá ahte mánát, nuorat ja ráves olbmot beroškeahttá doaibmanávccain, galget oažžut eavttuid olahit ulbmiliid iežaset oahpus.

Dan mii dahkat:

  • spesiálapedagogalaš doarjagiin
  • oahpahemiin spesiálaskuvllain
  • anolaš oahpponeavvuiguin
  • stáhtadoarjagiin.

Mii diehtit makkár pedagogalaš čuovvumušaid sierra doaibmahehttejumit sáhttet oažžut. Dat doarjja man mii fállat sáhttá leat ovttaskasa oahppan, pedagogaid bargu dehe doaibma ja organisašuvdna.

Buohkain lea riekti doaibmi oahpahussii, beroškeahttá doaibmanávccas. Dan addimii dárbbahuvvo diehtu ja dohkálašvuohta ovdaskuvllain, skuvllain ja rávvásiidoahpahusain.

Dan dohkálašvuođa man mii fállat dievasmahttet dat spesiálapedagogalaš resurssaid mat leat gielddas ja friddja doaimmain.

Dutkan ja ovttasbargu spesiálapedagogihkas

Mii bargat dan ovdii ahte dutkan ja praktihka galget lahkonit nuppiideaset. Dat dáhpáhuvvá earet eará juohkimiin spesiálapedagogalaš dutkama konfereanssaid, semináraid, sierra webbabáikkiid ja min áviissa bakte Lika värde.

Mii bargat ovttas maid universitehtain ja allaskuvllaiguin fierpmádagas ja veahkehit skuvlejumiin ja kurssain.

Eurohpalaš ovttasbargu dáhpáhuvvá min doaimma bakte European Agency for Special Needs and Inclusive Education. Riikkaidgaskasaš aktavuođain, earet eará fierpmádaga bakte min dohkálašvuođasurggiin, lea stuora mearkkašupmi. Erenomážit surggiin gos hárvvuid albmonit doaibmahehttejumit.

Ovttasbargu dáhpáhuvvá jámma maid Skuvlaráđđehusain ja Skuvladárkkistemiin.

Publicerat måndag 2 januari 2017 Granskat måndag 9 januari 2017