Bild på elever som leker på skolgården

Amare specialne školi

E themeske specialne školi, panš regionalne thaj trin natsionalne, len phende studenton khas trobuj jekh alternativa khaj e normalno fonduni škola.

Dada thaj deja mangen than ande specialno škola penge šavorenge. Te si kade ke o šavoro trajij maj dur si šajipe te trajij kote thaj te avel kodoles jekh aktivno vrama pala škola tela e termina.

Amare regionalne specialne školi

Studentura khaj si kašuke vaj khas si jekh šunimasko teljaripe birij te phirel ande amare regionalne specialne školi. Edukatsia si pe duj šiba thaj si inkerdo pe šveditsko vastengi šib (svenskt teckenspråk), thaj si vi skrisiardo thaj vorbisardo pe šveditsko šib.

Special škola del jekh šibako than khaj del šajipe thaj anglipe te birij pe te hasnij pe vi e vasteski šib thaj šveditsko šib ande sa školake buča. Pa kadi buči kusa duj šiba vazdel pe studentongo šajipe te žal maj angle ande peske studi thaj te lel maj but than ando them.

Natsionalne special školi

E školi len studenton anda intrego them thaj inkrel diferentne tselonge grupi. Edukatsia, bučako than thaj o drom te inkrel pe komunikatsia si kerdo pala e studentongo trobujipe.

Åsbackaskolan ando Örebro, si studentonge khas si šunimasko teljaripe ande kombinatsia kusa nasvalipe ande evulatsia (utvecklingsstörning) thaj studentura khaj arakhadžile kašuke thaj kore. E škola del jekh edukatsia khatar sako studentosko trobujipe thaj kabiliteto te sitčšol. Ame das but zor te žal angle e studentongo kamipe te keren khetanimaski buči thaj komunikatsia ande jekh than kusa duj šiba.

Hällsboskolan ando Stockholm thaj Umeå, studentonge khas si pharo vorbipe thaj či žanel mišto te vorbin. E škola del jekh edukatsia kusa fokuso pe šib thaj komunikatsia pe diferentne droma. Kado si kerdo ande jekh tseloski grupasko than kusa jekh lašo sitčarimasko than khaj si inkerdo pala e studentonge individualne trobujimata.

Ekeskolan ando Örebro, studentonge khas si dikhimasko teljaripe kusa jekh kombinatsia pe jekh funktsiako teljaripe. E škola del jekh edukatsia khaj si kerdi pala dikhimaske konditsi ande skolake buča thaj sitčaripe ande punktosko skiripe (punktskrift), orientatsia thaj miškipe, thaj te avel o manuš peske khatar e studentosko individualno trobujipe.

Te aves studento ande amare special školi

Ame das e studenton kasavo than khaj si len jekh šajipe khaj khetanipe thaj evulatsia maj angle. Savori birin te len partsia ande socijalno jekhutnipe, te ačarel ke si jekh kotor anda grupa thaj te barol maj zuralo sar individa.

E edukatsia ande special školako edukatsia naj pe buteste maj kaver sar ande normalno fonduni škola. Kodol so keren buči ande special školi si ekspertura te keren e edukatsia ačardi kodolenge so phiren ande škola. Special škola inkrel maj buten sikavnen thaj kote si maj tsine sitčarimaske grupi te birin te aresen ande buči pe sako individualnosko sitčaripe pala lenge konditsi. Special školan si deš berš. Sa special školi feri na Hällsboskolan ando Stockholm del vi sikajipe ande tsini školaki klasa.

Publicerat torsdag 22 december 2016 Granskat måndag 9 januari 2017